Beynəlxalq inkişaf sahəsində çalışan mütəxəssislər üçün qrantvermə sahəsində karyera qurmaq imkanları genişlənir. Elevate Philanthropy təşkilatının həmtəsisçisi Joey Savoie mütəxəssislərin qrant verən qurumlarda işləməyə hazır olduqlarını necə göstərə biləcəklərini izah edib.
QHT.az xarici mediaya istinadən bildirir ki, Devex-in məlumatına görə, Joey Savoie uzun illər qeyri-kommersiya təşkilatlarının yaradılması və səmərəli fəaliyyət göstərməsi istiqamətində çalışıb. Bu təcrübə ona donorların və maliyyə dəstəyi göstərən qurumların rolunu daha yaxından araşdırmağa imkan verib. O bildirib ki, qrant verənlər QHT-lərin fəaliyyət göstərdiyi mühiti formalaşdırır, hansı təşəbbüslərin dəstəklənəcəyinə və hansı layihələrin genişləndiriləcəyinə təsir edirlər.
Savoie bir il əvvəl Ambitious Impact təşkilatının rəhbərliyindən ayrılaraq idarə heyətinə keçib və donorlarla fondların maliyyə vəsaitlərini daha səmərəli yönəltməsinə kömək etmək məqsədilə Elevate Philanthropy təşkilatını yaradıb. O, noyabrın 12-də keçirilən karyera müzakirəsində qrantvermə sahəsində işə başlamaq istəyən mütəxəssislərin qarşılaşdığı əsas çətinliklərdən birinə diqqət çəkib: onların əvvəlki böyük qrant vəsaitlərini necə idarə etdiklərini nümayiş etdirmələri.










