Ermənistanın baş naziri Nikol Paşinyan bildirib ki, sərhəd-keçid məntəqələrində Azərbaycan vətəndaşları da daxil olmaqla hər kəs üçün pasport və təhlükəsizlik yoxlamaları müasir texnologiya və avtomatlaşdırılmış cihazlar vasitəsilə həyata keçiriləcək.
QHT.az xəbər verir ki, bu barədə Sosial-strateji Tədqiqatlar və Analitik Araşdırmalar İctimai Birliyinin sədri İlqar Hüseynli bildirib. Onun sözlərinə görə, sərhədçilər yalnız şübhəli hallarda müdaxilə edəcək:
"Bu köhnə əl ilə yoxlama metodlarından imtina və beynəlxalq standartlara uyğun suveren yanaşmanın tətbiqi deməkdir. Eyni sistem İran, Gürcüstan və Türkiyə ilə sərhədlərdə də işlədilir və gələcəkdə Azərbaycanla sərhəd-keçid məntəqələrində də tətbiq olunacaq. Əslində bu, Ermənistanın Baş nazirinin bilavasitə Azərbaycanın ərazi bütövlüyünü, sərhədlərinin suverenliyini tanıdığına xidmət edən bir ifadədir”".
Pərvanə Fərhadqızı
