Azərbaycana gələn turistlərin ölkə mənşəyində dəyişiklik qeydə alınıb. Dövlət Sərhəd Xidmətinin məlumatına görə, bu ilin ilk yarısında Avropadan Azərbaycana gələn turistlərin sayı 40 faiz artsa da körfəz ölkələrindən gələnlərin sayı 8,9 faiz azalıb. Bu o deməkdir ki, Azərbaycana gələn Avropalıların sayı artıb, Ərəblərin sayı isə azalıb.
Bu barədə QHT.az- a Millət vəkili Vüqar Bayramov bildirib ki, gələn turistlərin sayında ən yüksək artımlar Çində 7,2 dəfə, Türkmənistanda 3,9 dəfə və Hindistanda 3,1 dəfə müşahidə olunub: "Turizm enerji sektorundan sonra ölkəyə ən çox valyuta gətirən sektordur. Pandemiyadan əvvəlki il- 2019-cu ildə ölkəyə 3 milyondan çox turist gəlmişdi və əcnəbilər həmin il Azərbaycanda 2.6 milyard dollara yaxın vəsait xərcləmişdilər. Bu baxımdan gələn turistlərin ölkə mənşəyinin yeniləşməsi, xüsusən də Avropa və Cənubi-Şərqi Asiyada yerləşən dövlətlər ilə bu sahədə əməkdaşlığın gücləndirilməsi vacibdir. Bu turizm gəlirlərində dayanıqlığı artıra bilər".
Pərvanə Fərhadqızı
