24 saylı Nizami birinci seçki dairəsindən müstəqil və bitərəf namizəd Eyyub Kərimli, seçicilərə ünvanladığı açıqlamada, onların səsi və narahatlıqlarını öz şəxsi məsuliyyəti kimi qəbul etdiyini bildirib:
"Çətinlikləriniz mənim çətinliklərim, narahatçılıqlarınız mənim narahatçılığım, uğurlarımız isə hər birimizin uğuru olacaq. Mən sizi vicdanla və cəsarətlə təmsil etməyə hazıram!" - deyə Eyyub Kərimli vurğulayıb.
QHT.az xəbər verir ki, E. Kərimli, seçicilərin problemlərinin həllində onların yanında olacağını və onları vicdanlı şəkildə təmsil edəcəyini qeyd edərək, inamla bu yolda addımlayacağını bildirib. O, seçicilərlə birlikdə uğurlar əldə etməyə hazır olduğunu və bu uğurların hər kəs üçün bir qürur mənbəyi olacağını bildirib.
Namizədin bu açıqlaması seçicilərin diqqətini çəkərək, onun müstəqil və bitərəf olaraq onların hüquqlarını qorumaq üçün fəaliyyət aparmağa hazır olduğunu göstərir.
