Qlobal səhiyyə üzrə ekspertlər hesab edirlər ki, ABŞ-də ət yeyən Vintqurd milçəyi və Afrikada genişlənən Ebola epidemiyası beynəlxalq əməkdaşlığın zəifləməsinin yaratdığı riskləri açıq şəkildə nümayiş etdirir.
QHT.az xarici mediaya istinadən bildirir ki, ABŞ-nin Texas və New Mexico ştatlarında onilliklərdən sonra yenidən aşkarlanan vintqurd milçəyi ilə Konqo Demokratik Respublikası və Uqandada yayılan Ebola epidemiyası fərqli problemlər olsa da, hər ikisi zəifləyən profilaktika sistemlərinin nəticəsi kimi qiymətləndirilir.
ABŞ 1966-cı ildə steril həşəratların buraxılması, daimi monitorinq və Meksika ilə Mərkəzi Amerika ölkələri ilə əməkdaşlıq sayəsində bu zərərvericini aradan qaldırmışdı. Lakin son illərdə bu proqramların zəiflədilməsi və maliyyənin azaldılması təhlükənin yenidən ABŞ ərazisinə çatmasına şərait yaradıb.
Yoluxucu xəstəliklərə qarşı mübarizədə beynəlxalq əməkdaşlığın zəifləməsi və erkən xəbərdarlıq sistemlərinin zəiflədirilməsi qlobal sağlamlıq təhlükəsizliyi üçün ciddi risk yaradır. O vurğulanır ki, bu hadisələr təsadüfi deyil, qlobal səhiyyə sistemində yaranmış təhlükəli tendensiyanın göstəricisidir.
Piranə Xasiyeva
