Qadın sünnətindən (FGM) zərər çəkmiş qadınlara dəstək məqsədilə “Her Horizon Fund” adlı yeni fond yaradılıb. Fond ilkin olaraq 14 milyon dollar vəsaitlə fəaliyyətə başlayır və gələcəkdə bu məbləğin 100 milyon dollara çatdırılması planlaşdırılır.
QHT.az xarici mediaya istinadən bildirir ki, fond qadın sünnətinə qarşı mübarizə aparan fəalları və təşkilatları maliyyələşdirəcək. Vəsaitlərin bölüşdürülməsində zərərçəkmiş qadınların da iştirak etməsi nəzərdə tutulur.
Bundan əlavə, çoxtərəfli inkişaf bankları özəl investisiyaların hesablanması ilə bağlı yeni qaydalar qəbul edib. Üç böyük beynəlxalq qeyri-hökumət təşkilatı isə xərcləri azaltmaq və fəaliyyətlərini daha səmərəli təşkil etmək üçün əməkdaşlığa başlayıb.
