Beynəlxalq yardımın səmərəli təşkili üçün məsuliyyətin donor ölkələr və yardım alan dövlətlər arasında bölüşdürülməsi vacibdir. Məqsəd ayrılan vəsaitin daha effektiv istifadəsini təmin etmək, konkret nəticələr əldə etmək və tərəfdaş ölkələrin gələcəkdə özünü təmin etməsinə kömək etməkdir.
QHT.az xarici mediaya istinadən bildirir ki, ABŞ-ın birinci Tramp administrasiyası dövründə xarici yardım məsələlərinə rəhbərlik etmiş Cim Riçardson beynəlxalq yardım resurslarının daha səmərəli istifadəsinin vacibliyini vurğulayıb. Onun fikrincə, əsas məsələ daha çox və ya daha az pul xərcləmək deyil, yardımı düzgün planlaşdırmaqdır.
Müəllif qeyd edir ki, beynəlxalq yardım aydın milli maraqlara, ölçülə bilən nəticələrə və ilk gündən müəyyən edilmiş ortaq məsuliyyətə əsaslanmalıdır. Bu yanaşma donor ölkələrin vəsaitlərinin səmərəsini artırmaqla yanaşı, yardım alan ölkələrin uzunmüddətli inkişafına və müstəqilliyinə də töhfə verə bilər.
