ATHENS, Corciya (AP) — Corciya Universitetinin qadın futbol komandası cümə axşamı axşam Sanford Stadionunda James Madison Universitetini 6:0 hesabı ilə məğlub edərkən, oyunu izləyən 25.433 tamaşaçı ilə NCAA tarixində həm qadınlar, həm də kişilər arasında ən yüksək tamaşaçı rekordunu qırdı.
QHT.az xarici mediaya istinadən xəbər verir ki, Honoka Hamano Corciya komandası üçün iki qol vurdu. Görüş, ABŞ qadın futbol komandasının 1996-cı il Olimpiadasında Çini məğlub edərək qızıl medal qazanmasının 30 illiyini qeyd etmək məqsədilə 93.033 nəfərlik məşhur Sanford Stadionunda keçirilən “Soccer in Sanford” tədbiri çərçivəsində təşkil olunmuşdu.
Yeni rekord, 1999-cu ildə Kaliforniyanın San-Xose şəhərində keçirilən NCAA qadınlar çempionatının finalında Şimali Karolina və Notre Dame komandaları arasında qeydə alınmış 14.410 nəfərlik əvvəlki qadın rekordunu geridə qoydu.
Bundan əvvəlki ümumi NCAA tamaşaçı rekordu isə 1980-ci ildə Sent-Luisdəki Busch Stadionunda Saint Louis və Southern Illinois–Edwardsville komandaları arasında keçirilən kişilər oyununda qeydə alınmış 22.512 tamaşaçı idi.
Zəhra Mansırova
