Yeni elmi araşdırma göstərib ki, iş günlərində kifayət qədər yata bilməyən insanların həftəsonu yuxu borcunu qismən kompensasiya etməsi ürək-damar xəstəlikləri riskinin azalması ilə əlaqəli ola bilər.
QHT.az xarici mediaya istinadən bildirir ki, tədqiqat zamanı minlərlə yetkin insanın yuxu vərdişləri və sağlamlıq göstəriciləri təhlil edilib. Nəticələrə əsasən, həftə ərzində yuxu çatışmazlığı yaşayan, lakin həftəsonu daha uzun müddət yatan şəxslərdə ürək-damar xəstəliklərinin inkişaf riski daha aşağı olub. Bununla belə, alimlər bildirirlər ki, həftəsonu əlavə yuxu müntəzəm və keyfiyyətli gecə yuxusunu tam əvəz etmir. (escardio.org)
Mütəxəssislər hər gün 7–9 saat keyfiyyətli yuxunun sağlam həyat tərzinin vacib hissəsi olduğunu vurğulayırlar. Onların fikrincə, eyni saatda yatıb oyanmaq, axşam saatlarında elektron cihazlardan istifadəni azaltmaq və rahat yuxu mühiti yaratmaq ürək sağlamlığının qorunmasına müsbət təsir göstərir.
