Alimlər fiziki məşqin yaşlandıqca əzələləri necə sağlam saxladığını izah edən mühüm bioloji mexanizm aşkar ediblər. Yeni araşdırmaya görə, müntəzəm idman DEAF1 adlı genin aktivliyini azaldır. Bu isə əzələ hüceyrələrinin zədələnmiş hissələrini daha effektiv təmizləməsinə və özünü bərpa etməsinə kömək edir.
QHT.az xarici mediaya istinadən bildirir ki, tədqiqat müəlliflərinin sözlərinə görə, yaş artdıqca bu təmizlənmə prosesi zəifləyir və nəticədə əzələ kütləsi ilə gücü azalır. Lakin fiziki aktivlik həmin prosesi yenidən aktivləşdirərək əzələlərin daha uzun müddət sağlam qalmasına şərait yaradır.
Alimlər hesab edirlər ki, bu kəşf gələcəkdə yaşlanma ilə əlaqədar əzələ zəifliyinin qarşısını almaq üçün yeni müalicə üsullarının hazırlanmasına kömək edə bilər. Bununla belə, onlar vurğulayırlar ki, hazırda əzələ sağlamlığını qorumağın ən təsirli yolu müntəzəm fiziki aktivlikdir.
Piranə Xasiyeva
