WhatsApp iPhone istifadəçiləri üçün yeni funksiya üzərində işləyir. Yenilik sayəsində istifadəçilər çatlarda paylaşılan keçidləri tətbiqdən çıxmadan aça biləcəklər.
QHT.az xarici mediaya istinadən bildirir ki, “ShiftDelete” nəşrinin 21 oktyabr 2026-cı il tarixli məlumatına görə, yeni funksiya iOS üçün WhatsApp-ın 26.41.10.72 nömrəli beta versiyasında aşkarlanıb. Tətbiqdaxili brauzer istifadəçilərə mesajlaşmanı dayandırmadan internet səhifələrinə baxmaq imkanı verəcək.
Yeni funksiya necə işləyəcək?
İstifadəçilər WhatsApp-ın parametrlərindəki çatlar bölməsindən tətbiqdaxili brauzeri aktivləşdirə və ya söndürə biləcəklər. Funksiya işə salındıqda, mesajlarda paylaşılan keçidlər birbaşa WhatsApp daxilində açılacaq.
Beləliklə, istifadəçilər internet səhifəsinə baxarkən söhbət pəncərəsindən çıxmaq məcburiyyətində qalmayacaqlar. Bu isə tətbiqdən istifadəni daha rahat edə bilər.
İstifadəçilər Safari-dən yararlanmağa davam edə biləcəklər
Yeni funksiya məcburi olmayacaq. İstəyənlər əvvəlki qaydada iPhone-un standart brauzerindən istifadə edə biləcəklər. Bundan əlavə, ayrı-ayrı keçidləri menyu vasitəsilə xarici brauzerdə açmaq mümkün olacaq.
Tətbiqdaxili brauzerdə kukiləri, keş yaddaşını və digər baxış məlumatlarını təmizləmək üçün ayrıca bölmənin də yer alacağı bildirilir.
Bütün keçidlər tətbiq daxilində açılacaq
WhatsApp 2025-ci ilin may ayında da iOS beta versiyasında tətbiqdaxili brauzeri sınaqdan keçirmişdi. Lakin həmin versiyada yalnız müəyyən texniki tələblərə cavab verən biznes keçidləri tətbiq daxilində açılırdı.
Yeni funksiyanın isə bu məhdudiyyəti aradan qaldıraraq müxtəlif növ keçidləri əhatə edəcəyi gözlənilir.
Məxfilik məsələsi diqqət mərkəzindədir
Məlumata görə, yeni sistem istifadəçilərə söhbətlərini dayandırmadan keçidlərə baxmaq imkanı verməklə yanaşı, məxfiliyin qorunmasını da nəzərdə tutur. Bununla belə, brauzerin məxfilik xüsusiyyətləri və məlumatların emalı ilə bağlı ətraflı texniki məlumatlar ayr
