Beynəlxalq humanitar yardım sistemində islahatların növbəti mərhələsi Cenevrədə keçirilən Grand Bargain təşəbbüsünün illik görüşündə müzakirə olunur.
QHT.az xarici mediaya istinadən bildirir ki, “The New Humanitarian” nəşrinin 19 oktyabr 2026-cı il tarixli materialında humanitar yardım sektorunun üzləşdiyi maliyyə çətinliklərinə və mövcud sistemin təkmilləşdirilməsi zərurətinə diqqət çəkilir.
Müzakirələrdə donor maliyyələşməsinin azalması, humanitar təşkilatların resurs çatışmazlığı və yardımın daha səmərəli təşkili məsələləri ön plana çıxır. Eyni zamanda, yerli qeyri-hökumət təşkilatlarının (QHT) qərarvermə prosesində iştirakının artırılması və onların maliyyə imkanlarının genişləndirilməsi vacib istiqamətlər kimi qiymətləndirilir.
Grand Bargain təşəbbüsü humanitar yardımın səmərəliliyini artırmaq, mövcud resurslardan daha məqsədyönlü istifadə etmək və yardım göstərən təşkilatlarla donorlar arasında əməkdaşlığı gücləndirmək məqsədi daşıyır.
Yerli QHT-lərin proseslərdə daha fəal iştirakı humanitar böhranlardan zərər çəkən əhaliyə yardımın ehtiyaclara uyğun təşkil edilməsinə töhfə verə bilər.
