Xəbərlər 23.05.2024 09:26 1283

Azərbaycan Beynəlxalq Məhkəməyə Üz Tutacaq: Müzakirələr/ VİDEO

İTV-də keçirilən müzakirələrdə Azərbaycanın beynəlxalq məhkəməyə müraciət etmə qərarı geniş şəkildə müzakirə edilib. QHT.az xəbər verir ki, müzakirələrdə Azərbaycana qarşı ekosit (ekoloji soyqırım) həyata keçirildiyi qeyd olunub. Bu ekosit, həm flora və faunaya, həm də transərhəd çaylara zərərli tullantıların atılması ilə baş verib. Azərbaycanın işğaldan azad edilmiş torpaqlarının ekologiyasını bərpa etməyə çalışdığı vurğulanıb.

"Azərbaycan Kartoqrafları" İctimai Birliyinin rəhbəri Müqabil Bayramov bildirib ki, bu problem təkcə Azərbaycana deyil, eyni zamanda bütün Qafqaz regionuna təhlükə yaradır. Bununla əlaqədar qeyri hökümət təşkilatları Koalisiya yaradıblar və onlar bu koalisiyanın üzvüdür. Bayramov qeyd edib ki, qeyri hökümət təşkilatları mübarizəyə başlayıblar və Ermənistan Respublikasının mineral xammal resursları xəritəsini hazırlayıblar. Məqsəd bu məsələləri əyani vəsait kimi ortaya çıxarmaqdır.

COP29 Təşkilat Komitəsinin üzvü, “Sağlamlığa Xidmət” İctimai Birliyinin icraçı direktoru Pərvanə Vəliyeva bildirib ki, zəhərli tullantılar transərhəd çaylara axıdılır və bu çaylar Azərbaycanın sərhədində yerləşir. Bu isə o deməkdir ki, Azərbaycan ərazisinə çirkab sular axıdılır.

Ekologiya və Təbii Sərvətlər Nazirliyi yanında İctimai Şuranın sədri Amin Məmmədov qeyd edib ki, Qarabağ ərazisindəki xammal yataqları və tikinti yataqları beynəlxalq hüquq normaları nəzərə alınmadan 27 il ərzində maksimum dərəcədə istismar olunub. Bunun səbəbi isə həmin torpaqların onlara aid olmamasıdır.

Ekoloji Maarifçilik və Monitorinq İctimai Birliyinin sədri Qəmzə Yusubova isə yayda bu ciddi problemlərlə bağlı hesabatlılıq tələb etdiklərini vurğulayıb.

Bu müzakirələr Azərbaycanın beynəlxalq məhkəməyə müraciət etməsi və ekoloji zərərin bərpası ilə bağlı atılacaq addımların vacibliyini göstərir. Azərbaycanın ekoloji təhlükəsizlik məsələsində ciddi tədbirlər gördüyü və bu problemin həllinə yönəlik beynəlxalq hüquq normalarına uyğun hərəkət etdiyi aydın olur.

Daha ətraflı videoda: 

 


Paylaş
QHT TV
Elanlar
Son xəbərlər
Qrantlar
Təbriklər
Başsağlığı