Yeməkdən sonra qarında şişkinlik, gərginlik və qaz hissi bir çox insanın qarşılaşdığı həzm problemlərindəndir. Bu narahatlığın səbəbi hər zaman qəbul edilən qidalarla bağlı olmaya bilər. Bəzən yemək zamanı yol verilən səhvlər də şişkinliyə səbəb ola bilər.
QHT.az xarici mediaya istinadən bildirir ki, mütəxəssislərin diqqət çəkdiyi əsas vərdişlərdən biri yeməyi sürətlə yeməkdir. Qidanın kifayət qədər çeynənmədən udulması və yemək zamanı artıq hava udulması həzm sistemində narahatlığı, qaz və şişkinlik hissini artıra bilər.
Yeməyi tələsmədən yemək və hər tikəni yaxşı çeynəmək bu şikayətlərin azalmasına kömək edə bilər. Həmçinin qazlı içkilərin qəbulunu azaltmaq, yemək zamanı həddindən artıq hava udulmasına səbəb olan vərdişlərdən çəkinmək də faydalıdır.
Bununla belə, qarında şişkinlik yalnız sürətli yeməklə əlaqəli deyil. Bəzi qidalara qarşı dözümsüzlük, qəbizlik və müxtəlif həzm sistemi problemləri də bu əlamətə səbəb ola bilər.
Şişkinlik tez-tez təkrarlanırsa, uzun müddət davam edirsə və ya qarın ağrısı, qusma, səbəbsiz çəki itkisi kimi əlamətlərlə müşayiət olunursa, həkimə müraciət etmək vacibdir.
