Cənubi Koreyadan olan mühəndislər qrupu süni intellekt texnologiyalarından istifadə edərək dad reseptorlarının funksiyalarını təqlid edən süni dad sensoru hazırlayıb.
QHT.az xəbər verir ki, komanda duzluluq, turşuluq, acı və şirinlik səviyyələrini ölçmək üçün dörd ayrı sensordan istifadə edib. Bundan əlavə, zövq analizi üçün xüsusi maşın öyrənmə alqoritmi tətbiq edilmişdir. Alimlər öz ixtiralarını altı müxtəlif şərab növü üzərində sınaqdan keçirib və hər çeşidin dad xüsusiyyətlərini müəyyən etmək üçün təcrübələr aparıblar. “Elektron dadı” olan “AI sommelier” təklif olunan içkiləri 95%-dən çox dəqiqliklə təsnif etdi və oxşar dadlı şərabların seçilməsi üçün tövsiyələr verdi.
Sistemin qida, spirt, kosmetika və əczaçılıq da daxil olmaqla müxtəlif sənaye sahələrində istifadə olunacağı gözlənilir. O, təkcə dadın kəmiyyətcə qiymətləndirilməsinə imkan verməyəcək, həm də məhsulların keyfiyyətinə nəzarəti təmin edəcək.
Pərvanə Fərhadqızı
