Sürətli moda şirkəti "Shein" Honq Konq Fond Birjasının listinq komitəsindən IPO (ilkin kütləvi səhm təklifi) üçün təsdiq alıb. Bu, şirkəti Honq Konq birjasında listinqə daha da yaxınlaşdırır.
QHT.az xarici mediaya istinadən bildirir ki, Shein iyulun 27-si ilə başlayan həftədə IPO sənədlərini ictimaiyyətə təqdim etməyi planlaşdırır. Mənbələrin sözlərinə görə, bazar şəraitindən asılı olaraq səhmlərin yerləşdirilməsi avqustun sonlarında başlaya bilər. Şirkət artıq investorlarla görüşlərə başlayıb.
Shein daha əvvəl Nyu-York və London birjalarında listinqə çıxmağa çalışsa da, tənzimləyici maneələr səbəbindən buna nail ola bilməmişdi. Şirkət Honq Konqdakı IPO-da 40–50 milyard dollar bazar dəyəri hədəfləyir. Ötən il isə 40 milyard dollardan çox gəlir və təxminən 2 milyard dollar xalis mənfəət əldə edib.
