Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Konstitusiya və Suverenlik İli”nə həsr olunmuş "Cəmiyyətlə yenidən bağlantı və sosial inteqrasiya" adlı layihəsini icra edən “Beynəlxalq Əlillər Cəmiyyəti” İB-ə (BƏCİB) 2-ci qrup əlil, məcburi köçkün Tahir Quliyev və müharibə veteranı, məcburi köçkün Niyazi Qəhrəmanov müxtəlif problemlərinin həllinə köməklik üçün müraciət ediblər.

QHT.az xəbər verir ki, T.Quliyev 30 ildən artıq Bakı şəhərində ailəsi ilə birgə məcburi köçkün kimi məskunlaşdığını qeyd edir, ömrünün son vaxtlarını möhtərəm Prezidentimiz və müzəffər Ordumuz sayəsində düşmən əsarətindən azad olunan doğma Füzuli rayonunda başa vurmaq arzusundadır. Lazımi dövlət qurumlarında rəsmi qeydiyyatda olsa da, səhhətinin yaxşı olmadığını nəzərə alaraq doğma yurdlarına tezliklə qaytarılmasında köməklik göstərməyi BƏCİB-dən xahiş edir.

N.Qəhrəmanov isə onkoloji xəstə olan, 2-ci qrup əlil övladının probleminin həllinə dəstək göstərməyi BƏCİB-dən xahiş edir.

Layihə rəhbəri Tahir Xudiyev məlumat verir ki, müraciət edənlərin hər ikisinin problemlərinin həlli üçün aidiyyəti dövlət qurumlarına ictimai birlik tərəfindən rəsmi müraciətlər edilib.