Neuralink-in beyin implantını alan ilk şəxs Nolan Arbaugh, cihazın effektivliyinin artmağa davam etdiyini bildirib. Yeddi il əvvəl qəzadan sonra iflic olan Arbaugh, 2024-cü ilin yanvarında Neuralink-in Telepatiya beyin implantını sınaqdan keçirən ilk şəxs oldu. Bu implant düşüncələrlə smartfon və ya kompüteri idarə etməyə imkan verir və hərəkət qabiliyyətini itirmiş insanlar üçün nəzərdə tutulub.
QHT.az xəbər verir ki, mart ayında Arbaugh düşüncələrindən istifadə edərək şahmat oynadığını nümayiş etdirdi. O, əvvəlcə implantın effektivliyinin azaldığını müşahidə etsə də, sonradan tənzimləmə nəticəsində davamlı artım olduğunu qeyd etdi. May ayında şirkət, Arbaughun beynindən siqnalları ötürən mikrotellərin bir hissəsinin çıxarıldığını, lakin qalan elektrodların təxminən 15%-nin işlək olduğunu bildirdi. Az sayda elektrodla belə, Arbaugh daha çox iş görə biləcəyini söylədi və növbəti iştirakçıların daha çox elektrodu aktivləşdirə biləcəyinə ümid etdiyini əlavə etdi.
Arbo: "Bu, sadəcə inanılmazdır" dedi.
Qeyd edək ki, 2019-cu ilin iyulunda İlon Mask və Neuralink komandası, iki illik iş nəticəsində hazırlanmış N1 çipini təqdim etmişdi.
Pərvanə Fərhadqızı
