Antikorlar miqrasiya edən sahil quşları üçün dayanacaq yerlərinin yaxınlığında yaşayan insanlarda tapıldı.
QHT.az xəbər verir ki, bir qrup qərbli alim tərəfindən aparılan yeni araşdırma göstərir ki, quş qripi təhlükəli infeksiyanı minlərlə kilometr uzaqlığa yayan vəhşi köçəri quşlardan insanlara birbaşa ötürülə bilər. Əvvəllər H5 virusunun quşlardan ev quşlarına və məməlilərə keçdiyi bilinsə də, yeni tədqiqat insanların vəhşi quşlardan da yoluxa biləcəyini ortaya qoyub. Araşdırma Malayziyanın Sabah əyalətində aparılıb və burada təhsil alan 2000 nəfərin 1%-inin H5 virusuna məruz qaldığı qeyd olunub. Alimlərin sözlərinə görə, bu insanlar köçəri sahil quşlarının dayanacaqlarının 10 kilometr radiusunda yaşayır. Hər il 50 milyondan çox su quşunun keçdiyi bu marşrut, virusun ötürülmə ehtimalını artırır.
2015-ci ildən toplanmış qan nümunələrinə əsaslanan araşdırma, köçəri quşların dayandığı yerlərin yaxınlığında yaşayan insanların H5 viruslarına qarşı anticisimləri inkişaf etdirdiyini göstərib. Bununla yanaşı, Rotterdamdakı Erasmus MC-nin virusoloqu Marion Koopmans, tədqiqatların “risk zonası” fermalarında yaşayan quşlar arasında H5 ilə bağlı məlumatların olmaması səbəbindən vaxtından əvvəl ola biləcəyini vurğulayıb.
Quş qripi hər il daha çox ölkədə görünür və mutasiyaya uğrayır. Əgər tədbirlər görülməsə, insanların bu virusa yoluxması və onun insandan insana keçməsi ehtimalı artacaq.
Pərvanə Fərhadqızı
