BMT Baş Assambleyasının 81-ci sessiyası çərçivəsində keçirilən tədbirlərdə inkişaf sektorunun sürətlə dəyişən dünyaya necə uyğunlaşacağı müzakirə edilib.
QHT.az xarici mediaya istinadən bildirir ki, builki görüşlərdə əsas diqqət süni intellektə (AI) yönəlib. AI-nin yaratdığı risklər BMT Təhlükəsizlik Şurasında da gündəmə gəlib. Eyni zamanda, texnologiyanın səhiyyə və kənd təsərrüfatında istifadəsi və inkişaf etməkdə olan ölkələrin geridə qalmaq riski müzakirə olunub.
Tədbirlərdə həmçinin borc problemləri, xeyriyyəçilik və özəl kapitalın inkişaf layihələrinə cəlb edilməsi məsələləri diqqət mərkəzində olub. AI sahəsində gələcəkdə böyük həcmdə xeyriyyə vəsaitlərinin yönəldilməsi ehtimalı da qeyd edilib.
