Şirkət insan beyninin geniş spektrli tapşırıqlarda potensialına nail olmağa qadir olan Q* kod adlı layihə üzərində işləyir.
QHT.az xəbər verir ki, ChatGPT chatbotunu yaradan OpenAI şirkətinin tədqiqatçıları rəhbərlikə “bəşəriyyəti təhdid edə biləcək güclü süni intellektin” kəşfi barədə xəbərdarlıq ediblər. Bu, Sem Altmanın baş direktor vəzifəsindən qovulmasından bir qədər əvvəl baş verib.
QHT.az xəbər verir ki, Kod adı Q* olan model hələ də sadə riyazi məsələləri həll edə bilər, lakin bu, insan beyninin geniş spektrli tapşırıqlarda potensialına çata bilən universal süni intellektin açarı ola bilər.
Tədqiqatçılar hesab edirlər ki, riyaziyyat generativ süni intellektin qabaqcıl hissəsidir. Bugünkü generativ neyron modelləri növbəti sözü statistik olaraq proqnozlaşdırmaqla mətn yaratmaq və tərcümə etməkdə yaxşıdır. Lakin riyaziyyatın mənimsənilməsi “süni intellektin insan intellektini xatırladan daha böyük düşünmə qabiliyyətinə malik olacağını nəzərdə tutur”.
OpenAI tədqiqatçıları Q*-nun hansı xüsusi təhlükələr yaratdığını dəqiqləşdirmirlər. Alimlər arasında çoxdandır ki, yüksək intellektli maşınların yaratdığı təhlükələr haqqında mübahisələr gedir: məsələn, əgər onlar bəşəriyyətin məhv edilməsinin onların maraqlarına uyğun olduğuna qərar versələr.
Bəzi işçilər OpenAI-nin bu cür süni intellekt modellərinin idarə olunan inkişafı və kommersiyalaşdırılması üçün adekvat təhlükəsizlik tədbirlərinə malik olmamasından ciddi narahatdırlar.
R.İmanov
