McDonald’s qarşıdakı 10 il ərzində dünya üzrə restoranlarını yeniləmək üçün 8,5 milyard dollar sərmayə qoyacaq.
QHT.az xarici mediaya istinadən bildirir ki, şirkətin baş direktoru Kris Kempçinski bildirib ki, ABŞ da daxil olmaqla bir sıra bazarlarda fast-fooda tələbatın artımı zəifləyib. Buna görə McDonald’s rəqiblərindən bazar payı qazanmaq və restoranların səmərəliliyini artırmaq niyyətindədir.
Şirkət inventar və planlaşdırma kimi proseslərin daha çox avtomatlaşdırılmasını, həmçinin mətbəx əməliyyatlarının təkmilləşdirilməsini planlaşdırır.
Kempçinski bildirib ki, gələcəkdə daha çox tələb yaradan və bu tələbi daha səmərəli qarşılayan şirkətlər üstünlük qazanacaq.
McDonald’s-ın dünya üzrə təxminən 46 min restoranı var. Şirkətin açıqlamasından sonra onun səhmləri çərşənbə günü təxminən 5% ucuzlaşıb. Bu, 2025-ci ilin aprelindən bəri ən böyük günlük eniş olub.
Şirkət menyuda da dəyişikliklər etməyi planlaşdırır. McDonald’s Asiyada 10 min restoranda və Çikaqo yaxınlığındakı bəzi filiallarda əl ilə hazırlanmış xırtıldayan örtüklü toyuq məhsullarını sınaqdan keçirib və satış göstəricilərinin yaxşılaşdığını bildirib.
Şirkət gələn il bu məhsul üzrə sınaqları ABŞ və İrlandiyanın daha çox bölgəsinə genişləndirməyi planlaşdırır.
Zəhra Mansırova
