“Erkən nikah, uşaq evliliyi hallarının qarşısının alınmasında QHT-lərin rolu: mövcud vəziyyət və yeni baxış” mövzusunda İctimai dinləmə keçirilir.
QHT.az xəbər verir ki, “Zoom meeting online” görüşdə dövlət orqanları, QHT-lər İctimai Şuraların üzvləri iştirak edirlər. Salamlama və açılış nitqi ilə Ailə, Qadın və Uşaq Problemləri üzrə Dövlət Komitəsi yanında İctimai Şuranın sədri Fariz Əkbərov çıxış edib.
Ailə, Qadın və Uşaq Problemləri üzrə Dövlət Komitəsinin Ailə məsələləri şöbəsinin müdir müavini Kamilə Əliyeva “Erkən nikah, uşaq evliliyi hallarına qarşı mübarizədə QHT-lərin fəaliyyəti və yeni dövrün tələbləri” adlı təqdimatla çıxış edib. Daha sonra Ailə, Qadın və Uşaq Problemləri üzrə Dövlət Komitəsi yanında İctimai Şuranın sədr müavini Nailə İsmayılova, “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli çıxış ediblər. “Erkən nikah, uşaq evliliyi hallarının qarşısının alınmasında QHT-lərin fəaliyyətindən gözləntilər” mövzusunda dövlət orqanları nümayəndələrinin fikirləri səslənəcək.
Gözləntilərin səsləndirilməsi cəmiyyətdə bu məsələlərə necə baxıldığının və həllərinin necə təmin edilməsi gərəktiyinin aydınlaşdırılması üçün vacibdir. Bu görüşlər cəmiyyətdəki müxtəlif qurumların və təşkilatların bir araya gələrək bir məsələ üzərində fikirlərini bölüşməsi və birlikdə həll yolları tapması üçün ideal bir zəmin yaradır.
Pərvanə Fərhadqızı
