“Sosial Dayaq” İctimai Birliyinin Siyəzən rayonunda həyata keçirdiyi “Əlilliyi olan uşaqlar üçün sosial reabiltasiya mərkəzinin təşkili” layihəsi artıq başa çatmışdır.
Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə təşkil olunmuşdur.
Layihə çərçivəsində müxtəlif əlilliyi olan (autizm, əqli gerilik, uşaq serebral iflici, nitqin ləngiməsi, davranış pozuntusu və s.) 18 yaşa qədər uşaqlara sosial-psixoloji dəstək göstərilmişdir.
Uşaqlara həm fərdi, həm də qrup halında təlimlər keçirilmişdir. Müxtəlif əlilliyi olan uşaqlar müəyyən edilmiş, uşaq mütəxəssisləri tərəfindən ilkin ehtiyacları öyrənilmiş, (ünsiyyətə girmə, nitqin inkişafı, səslərin düzgün tələffüzü, fiziki məhdudiyyət, koordinasiya, əqli inkişafın ləngiməsi prosesi və s.) aidiyyatı üzrə onlara təlimlər təşkil edilmişdir.
Təlimlər zamanı yaş normativləri nəzərə alınmaqla hər uşaq üçün ayrı-ayrılıqda təlim qaydaları hazırlanmışdır.
Təlimlərdə valideyinlər də fəal iştirak etmişlər. Onlara öz uşaqları ilə ünsiyyət qurmaq, onları müdafiə etmək, erkən yardım göstərmək bacarıqlarının artırılması üçün maarifləndirmə işi aparılmışdır.
Valideynlərə uşaqları ilə ev şəraitində necə məşğul olacaqları, vəsait seçimi barədə məlumatlar verilmişdir.
Təlimlər aidiyyatı üzrə təhsil almış və xüsusi təlimlər keçmiş təcrübəli mütəxəssislər tərəfindən uşaqlara inkişafetdirici vəsaitlərlə QHT-nin ofisində keçirilmişdir.
Uşaqların sağlamlığı məqsədilə dövlət uşaq tibb müəssisələrinin əlçatanlığının təmin olunmuş və uşaqlara xidmət göstərən mərkəzlərlə əlaqələr yaradılmışdır.
Uşaqlara təlimlərin keçirilməsi, sosial – psixoloji dəstək göstərilməsi onların sağlamlığına müsbət təsir göstərmişdir.
Layihə zamanı uşaqlara aşağıdakı təlimlər keçirilmişdir
Sensor bacarıqların inkişafı;
Ünsiyyət bacarıqları;
Göz kontaktının qurulması;
Əl- barmaq hərəkətlərinin aktivləşdirilməsi;
Yazı və oxu texnikasına hazırlıq;
Nitq inkişafı;
Nəfəs məşqləri;
Fiziki inkişaf;
Sosial və özünəxidmət bacarıqları və s.
