Afrika İnkişaf Fondu 13 Afrika ölkəsində təbii kapitalın inkişaf planlarına və maliyyə qərarlarına inteqrasiyasını dəstəkləmək üçün 4,23 milyon ABŞ dolları məbləğində qrant ayırıb.
QHT.az xarici mediaya istinadən bildirir ki, layihə 2026-cı ilin oktyabrından 2029-cu ilin sentyabrınadək həyata keçiriləcək. Proqram Burundi, Kamerun, Konqo Demokratik Respublikası, Qana, Keniya, Mozambik, Ruanda, Tanzaniya, Zambiya, Zimbabve və digər iştirakçı ölkələri əhatə edəcək.
Layihə çərçivəsində ölkələrə təbii ehtiyatların iqtisadi dəyərinin qiymətləndirilməsi, dövlət siyasətinin təkmilləşdirilməsi, statistik sistemlərin gücləndirilməsi və mütəxəssislərin hazırlanması istiqamətində texniki dəstək göstəriləcək.
Afrika İnkişaf Fondu bildirir ki, təşəbbüs iqlim dayanıqlığının artırılmasına, yaşıl investisiyaların cəlb edilməsinə və dayanıqlı iqtisadi inkişafın dəstəklənməsinə töhfə verəcək.
