"Aprel döyüşləri" şəhidi Rizvan Muradovun doğum günüdür
Azərbaycan Silahlı Qüvvələrinin əsgəri olan Rizvan Telman oğlu Muradov 27 noyabr 1997-ci ildə Sabirabad rayonunun Çiçəkli kəndində anadan olub.
QHT.az xəbər verir ki, orta təhsilini aldıqdan sonra 2015-ci ilin oktyabr ayında SHXÇDX-nin Sabirabad rayon şöbəsindən hərbi xidmətə çağırılıb. Rizvan Muradov 2016-cı ilin "Aprel döyüşləri" zamanı 2 aprel tarixində Talış kəndi istiqamətində gedən döyüşlərdə döyüş tapşırığının yerinə yetirilməsi zamanı qəhrəmancasına şəhid olub.
Rizvan Muradov göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamına əsasən ölümündən sonra 3-cü dərəcəli "Hərbi xidmətdə fərqlənməyə görə" medalı ilə təltif edilib.
Ruhu şad olsun!
Pərvanə Fərhadqızı