Bu əfsanəvi şəhər haqqında yeni məlumatlar həm elmi ictimaiyyəti, həm də antik dövrü sevənləri heyrətləndirməkdə davam edir.
QHT.az xəbər verir ki, eramızın 79-cu ilində Vezuvi vulkanının püskürməsi nəticəsində dağılan Pompeydən əhali tərk etsə də, yeni araşdırmalar göstərir ki, şəhər tamamilə yox olmayıb.
Püskürmə 32 saat davam edərək Pompeyi kül təbəqəsi altında basdırmışdı. Əvvəlcə 20-30 min nəfərin yaşadığı şəhərin əksəriyyəti qaçsa da, bir qismi geri dönüb. Pompey Arxeoloji Parkının direktoru Qabriel Zuchtriegel bildirib ki, qazıntılar şəhərin sadəcə məhv edilmədiyini, həm də insanların sağ qalaraq xarabalıqlarda uzun müddət yaşadığını sübut edir. Insula Meridionalis bölgəsində aşkarlanan artefaktlar əsrlərlə xarabalıqlar üzərində “görünməz bir şəhər”in mövcudluğunu təsdiqləyib.
R.İmanov
