Kolumbiyada baş verən 7,4 maqnitudalı zəlzələdən sonra Beynəlxalq Qızıl Xaç və Qızıl Aypara Cəmiyyətləri Federasiyası (IFRC) təcili yardım kampaniyasına başlayıb.
QHT.az xarici mediaya istinadən bildirir ki, IFRC 13 avqust 2026-cı ildə Kolumbiya Qızıl Xaçının xilasetmə və humanitar fəaliyyətlərini dəstəkləmək üçün 25 milyon İsveçrə frankı məbləğində müraciət yayıb. Vəsait zəlzələdən ən çox zərər çəkən və həssas vəziyyətdə olan insanlara yardım göstərilməsi üçün istifadə olunacaq.
Qurumun məlumatına görə, Kolumbiya Qızıl Xaçının könüllüləri zərərçəkən ərazilərdə axtarış-xilasetmə işlərinə, ehtiyacların qiymətləndirilməsinə və humanitar yardımların çatdırılmasına cəlb olunub. Zəlzələdən sonra bölgədə təcili tibbi yardım, sığınacaq, su və digər əsas ehtiyacların qarşılanması prioritet olaraq qalır.
IFRC-nin müraciəti zəlzələnin yaratdığı humanitar böhrana beynəlxalq QHT və yardım təşkilatlarının reaksiyasının genişləndiyini göstərir.
