Əlil Sahibkarlar Təşkilatı İctimai Birliyi yeni layihəsinin icrasına başlayır
Əlil Sahibkarlar Təşkilatı İctimai Birliyi Azərbaycan Respublikasının Qeyri-Hökmət Təşkilatlarına Dövlət Dəstəyi Agentliyinin maliyyə dəstəyi ilə 01.05.2025-ci il tarixindən "Regionlarda həssas sosial qrupa aid şəxslərin əmək bazarına inteqrasiyası” adlı layihənin icrasına başlayır.
Bu barədə QHT.az-a layihə rəhbəri Mirzə Məmmədvəliyev məlumat verib. Onun sözlərinə görə layihənin əsas məqsədi Müharibə iştirakçılarının, qazilərin və əlilliyi olan şəxslərin işsizlik problemini həll etməkdir:
"Müharibə iştirakçılarının, qazilərin və digər həssas sosial qrupların müyəssər peşə hazırlığının yüksəldilməsi və onların arasında sahibkarlığın inkişafı, əlilliyi olan müharibə iştirakçılarının və digər həssas sosial qrupların (gender bərabərliyi qorunmaq şərtilə) əmək və sahibkarlıq fəaliyyətinə hazırlanması üzrə təlimlərin və maarifləndirmə tədbirlərinin (seminarların) təşkili və fəallığını artırmaqdır. Sosial sahibkarlıq fəaliyyətinə yeni başlayan müharibə iştirakçıları, qazi və əlilliyi olan şəxslərin maarifləndirilməsi və onları zəruri nəzəri biliklərlə yanaşı BMT - nin DİM prinsiplərinə uyğun beynəlxalq təcrübə öyrədiləcək".
Qeyd edək ki, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Əlil Sahibkarlar Təşkilatı” İctimai Birliyi tərəfindən “Konstitusiya və Suverenlik ili”nə həsr olunan “"Regionlarda həssas sosial qrupa aid şəxslərin əmək bazarına inteqrasiyası ” adlı layihə 3 ay müddətində Sumqayıt şəhərində icra olunacaq.