Azad Mirzəcanzadə İnkişaf Proqramının yeni mərhələsinə start verildi
"Regional İnkişaf" İctimai Birliyi (RİİB) görkəmli alim Azad Mirzəcanzadənin unikal tədris üslubundan və innovativ yanaşmalarından ilhamlanaraq həyata keçirdiyi Azad Mirzəcanzadə İnkişaf Proqramının növbəti mərhələsinə start verib.
QHT.az xəbər verir ki, Proqramın əsas məqsədi çevik düşüncə tərzinə malik, innovativ ideyalara və dayanıqlı inkişaf arzularına sahib istedadlı gəncləri üzə çıxarmaq, onların bilik və bacarıqlarını inkişaf etdirməkdir. Seçilmiş iştirakçılar üçün 5000 manatadək maliyyə dəstəyi, peşəkar təlimlər və liderlik bacarıqlarını artırmaq üçün müxtəlif imkanlar təqdim olunacaq.
Hazırda proqramın yeni mərhələsi çərçivəsində ölkənin müxtəlif universitetlərində təqdimatlara start verilir. Tələbələr bu görüşlərdə iştirak edərək proqram haqqında ətraflı məlumat əldə edə, seçim prosesi və şərtlər barədə suallarını ünvanlaya bilərlər.
Qeydiyyat üçün “riib.az” saytına daxil olub formu doldurmaq kifayətdir.
Son müraciət tarixi: 1 aprel 2025
Yeni ideyan varsa, bu fürsəti qaçırma! Proqrama qoşul, biliklərini artır və unikal imkanlardan yararlan!
Ətraflı məlumat üçün "Regional İnkişaf" İctimai Birliyinin 150 Çağrı mərkəzinə müraciət oluna bilər.