Qərbi Afrika 2026-cı ilə güclü iqtisadi göstəricilərlə başlayıb. ECOWAS İnvestisiya və İnkişaf Bankının (EBID) məlumatına görə, 2025-ci ildə regionda əsas makroiqtisadi göstəricilərin əksəriyyəti yaxşılaşıb.
QHT.az xarici mediaya istinadən bildirir ki, EBID-in “Qərbi Afrika İnkişaf Görünüşü” hesabatına əsasən, Yaxın Şərqdə yenidən başlayan münaqişə enerji və gübrə qiymətlərini artırıb. Bu isə COVID-19 pandemiyası və Rusiya-Ukrayna müharibəsi dövründə müşahidə olunan iqtisadi problemləri yenidən gündəmə gətirib.
Hesabatda qeyd olunur ki, yüksək neft qiymətləri neft ixrac edən Qərbi Afrika ölkələrinə əlavə gəlir qazandıra bilər. Lakin enerji və gübrə idxalından asılı ölkələr üçün bahalaşma inflyasiya və iqtisadi təzyiqləri artıracaq. EBID region ölkələrinə iqtisadi dayanıqlığın gücləndirilməsini tövsiyə edir.
