Dünya parçalanarkən və qlobal təhdidlər artarkən, növbəti baş katib BMT-ni yalnız onun görə biləcəyi işlərə fokuslamalıdır.
QHT.az xarici mediaya istinadən bildirir ki, dünya liderləri BMT Baş Assambleyasına toplaşarkən, BMT-nin 10-cu baş katibinin kim olacağı ilə bağlı müzakirələr davam edir. Hazırda açıq şəkildə önə çıxan namizəd yoxdur və gözlənilməz namizədin ortaya çıxa biləcəyi barədə fikirlər səslənir. Bu səbəbdən nəticənin necə olacağı qeyri-müəyyən olaraq qalır. Hətta Antonio Quterreş ilin sonunda vəzifəsini tərk edənədək Təhlükəsizlik Şurasında namizədlik məsələsində razılıq əldə olunmaya bilər.
Yeni baş katibi qarşıda böyük vəzifələr gözləyir. Təhlükəsizlik Şurasının bütün üzvlərinin də daxil olduğu 20 ölkədə aparılan son sorğuya əsasən, respondentlərin təxminən 90 faizi hesab edir ki, güclü dövlətlər qlobal təhdidlərin öhdəsindən təkbaşına gəlməyə çalışmamalıdır. Beynəlxalq sistem hazırda bu təhdidlərin qarşısını almaqda yetərli nəticə göstərmədiyindən, insanlar dəyişikliklərə təkan verə biləcək baş katib gözləyirlər. Onlar diqqətini yalnız daxili islahatlara yönəldən administrator deyil, qeyri-sabit qlobal mühitdə effektiv fəaliyyət göstərə biləcək diplomat, böhran idarəçisi və mənəvi mövqeyə sahib lider istəyirlər.
İctimaiyyət BMT-dən konkret nəticələr gözləyirsə, bunun üçün əvvəlcə BMT-nin dəyişikliklərə təsir edən müxtəlif güc və qruplardan ibarət daha geniş əməkdaşlıq ekosistemindəki məqsədinin dəqiq müəyyənləşdirilməsi lazımdır.
Piranə Xasiyeva
