Astronomlar Yerə ən yaxın olan ulduzun ətrafında dörd planet tapıblar
Onların hər biri Yer kütləsinin yalnız 20-30%-ni təşkil edir.
QHT.az xəbər verir ki, astronomlar Yerdən 6 işıq ili uzaqlıqda yerləşən Barnard Ulduzunun ətrafında bir neçə planet kəşf ediblər. Araşdırma nəticəsində məlum olub ki, planetlər Yer kütləsinin 20-30%-i qədərdir və bir neçə gün ərzində ulduz ətrafında orbitlərini tamamlayır. Bu planetlər MAROON-X və ESPRESSO alətləri ilə edilən müşahidələr nəticəsində aşkarlanıb.
Elm adamları planetlərin kiçik qayalı dünyalar olduğuna inanırlar, lakin dəqiq tərkibini təsdiqləmək çətindir. Barnard Ulduzunun dörd planeti, ölçmə vasitələri ilə təsdiqlənən ən kiçik ekzoplanetlər sırasındadır.
R.İmanov