Aspirin xərçəngin yayılmasını dayandıra bilər - ALİMLƏR
Alimlər aspirinin xərçəngin yayılmasını dayandıra biləcəyini aşkar ediblər.
QHT.az xəbər verir ki, Kembric Universitetinin alimləri aspirinin immun sisteminin xərçənglə mübarizə qabiliyyətini artırdığını müəyyən ediblər. Heyvanlar üzərində aparılan təcrübələr göstərib ki, aspirin trombositlərin T hüceyrələrini boğmasının qarşısını alaraq immun sisteminin metastaz edən xərçəng hüceyrələrini məhv etməsinə kömək edir. Professor Rahul Roychowdhury dərmanın erkən aşkar edilmiş xərçənglərin müalicəsində faydalı ola biləcəyini bildirib. Lakin aspirin qəbulunun riskləri – o cümlədən daxili qanaxmaya səbəb olma ehtimalı nəzərə alınmalıdır.
Alimlər hazırda aspirinin xərçəngin geri qayıtmasının qarşısını alıb-almadığını araşdırmaq üçün klinik sınaqlar aparırlar. Mütəxəssislər insanlara həkim məsləhəti olmadan aspirindən istifadə etməməyi tövsiyə edirlər.
R.İmanov