Şahdağ Quba & Truskavets Sanatoriyası ilə QHT arasında əməkdaşlıq müqaviləsi imzalandı - FOTOLAR
Bu gün Şahdağ Quba & Truskavets Sanatoriyası ilə "Vətən Naminə" Şəhid Ailələrinə Dəstək İctimai Birliyi arasında mühüm əməkdaşlıq müqaviləsi imzalanıb. Tədbir Ulu Öndər Heydər Əliyevin və Azərbaycan torpaqlarının azadlığı uğrunda canlarını fəda etmiş şəhidlərimizin əziz xatirəsinin bir dəqiqəlik sükutla yad edilməsi və Azərbaycan Respublikasının Dövlət Himninin səsləndirilməsi ilə başladı. Tədbirdə şəhid ailələri, qazilər və bir sıra xüsusi qonaqlar iştirak ediblər.
QHT.az xəbər verir ki, "Vətən Naminə" Şəhid Ailələrinə Dəstək İctimai Birliyinin sədri Tünzalə Abduləlimova açıqlamasında bu əməkdaşlığın şəhid ailələri və qazilərə göstərilən dəstəyin davamlı və daha məqsədyönlü şəkildə həyata keçirilməsinə xidmət etdiyini vurğulayıb. O bildirib ki, hər iki qurum şəhid ailələri və qazilərə göstərilən qayğını davamlı olaraq yüksək səviyyədə təmin edəcəklər. Tünzalə Abduləlimova bu məsuliyyətli yolda hər iki quruma uğurlar arzulayıb.
Müqavilə çərçivəsində görüləcək işlərin şəhid ailələri və qazilər üçün daha əlverişli şəraitin yaradılması istiqamətində yeni imkanlar açacağı vurğulanıb.