Vətən müharibəsi şəhidi Elçin Əliyevin anası vəfat edib
Vətən müharibəsi şəhidi Elçin Əliyevin anası Ulduz Əliyeva vəfat edib.
QHT.a mərhumənin ailəsinə və yaxınlarına dərin hüznlə başsağlığı verərək, ona Allahdan rəhmət diləyib.
Qeyd edək ki, 1994-cü il təvəllüdlü Elçin Əliyev 2016-cı ilin "Aprel" döyüşlərinin iştirakçısı olub. O, 44 günlük Vətən müharibəsi zamanı Suqovuşanın azadlığı uğrunda gedən döyüşlərdə qəhrəmancasına iştirak edərək, 28 sentyabr 2020-ci ildə şəhid olub. Şəhid Elçin Əliyev ölümündən sonra “Vətən uğrunda” və “Suqovuşanın azad olunmasına görə” medalları ilə təltif olunub.
Ulduz Əliyevanın ruhu şad olsun, ailəsinə dərin hüznlə başsağlığı veririk.