Heydər Əliyev Məhəllələrarası Mini Futbol Turniri ilə yeniyetmələrin idmana marağını artırmaq - FOTOLAR
Ümummilli lider Heydər Əliyevin anadan olmasının ildönümü ərəfəsində Bakı Şəhər İcra Hakimiyyəti, “Regional İnkişaf” İctimai Birliyi və Bakı Şəhər Gənclər və İdman İdarəsinin birgə təşkilatçılığı ilə Bakı şəhərinin bütün rayonlarını əhatə edən məhəllələrarası mini futbol turnirinin rayon mərhələsinin qalibləri bəlli olub.
QHT.az xəbər verir ki, qalib olan 12 komanda arasında aprelin 23-də püşkatma mərasimi keçirilib. Olimpiya sistemi üzrə təşkil edilən turnirə mayın 3-də final oyunu ilə yekun vurulacaq.
Qeyd edək ki, futbol yarışmasının əsas məqsədi yeniyetmə və gənclər arasında sağlam həyat tərzinin təbliği və onların idmana olan marağının artırılmasıdır.