Xəbərlər 22.02.2024 20:11 1807

Layihəsi çərçivəsində keçirilən intellektual turnir başa çatıb - FOTOLAR

Azərbaycan Respublikasının Gənclər Fondunun maliyyə dəstəyi, "Öyrədərək Öyrənirik" Gənclərin İntellektual İnkişafına Dəstək İctimai Birliyinin təşkilatçılığı ilə "Ulu öndər və GəncliyimİZ" silsilə tədbirlər layihəsi çərçivəsində keçirilən intellektual turnir başa çatıb.

QHT.az xəbər verir ki, "Nə? Harada? Nə zaman?" formatında keçirilən intellektual turnirin final mərhələsində 4 komanda mübarizə aparıb. Qazax Gənclər Evində baş tutan intellektual turnirdə 20 sual səsləndirilib.

Suallara ən çox düzgün cavab verən müstəqil "Fake GFG" komandası turnirin qalibi olub. Digər müstəqil kollektiv "911" ikinci pillədə qərarlaşıb. Qazax rayonu Araz Əmilov adına Daş Salahlı kənd 1 nömrəli tam orta məktəbin "Epsilon" komandası isə üçüncü yeri tutub. 

Qalib "Fake GFG" komandası kubokla, ilk üç yeri tutan komandaların üzvləri diplom və medallarla təltif olunub. 

Ümumiyyətlə, layihə çərçivəsində intellektual turnirdən başqa rəsm müsabiqəsi də təşkil olunub. 

Qeyd edək ki, layihədə GİKM-in Qazax-Tovuz regional nümayəndəliyi, Qazax Gənclər evi sosial xidmət müəssisəsi və Qazax-Tovuz Regional Təhsil İdarəsi tərəfdaş qismində çıxış edib.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı