Xəbərlər 24.01.2023 19:51 225

Türkiyə, İsveç və Finlandiya arasında NATO-ya üzv olmaq üçün ərizə ilə bağlı danışıqlar təxirə salınıb - YENİLƏNDİ

Türkiyə, İsveç və Finlandiya arasında NATO-ya üzv olmaq üçün ərizə ilə bağlı danışıqlar Ankaranın tələbi ilə qeyri-müəyyən müddətə təxirə salınıb. Bu barədə Türkiyənin “Sabah” qəzeti məlumat yayıb.

QHT.az xəbər verir ki, Onun sözlərinə görə, Türkiyə, İsveç və Finlandiya arasında üçtərəfli mexanizm çərçivəsində növbəti görüş fevralda Brüsseldə keçirilməli idi.

Yanvarın 21-də Danimarkanın İslam əleyhinə Stram Kurs (Sərt Sövdələşmə) partiyasının lideri Rasmus Paludan Türkiyənin Stokholmdakı səfirliyi qarşısında Quranı yandırıb. Hərəkət meriya ilə razılaşdırılıb, Paludan belə bir tamaşaya görə haqqı ödəyib. Bundan əlavə, Stokholm hakimiyyəti yerli kürdlərə nümayiş keçirməyə icazə verib, mitinqdə 50-yə yaxın adam toplaşıb.

Daha sonra Türkiyə Xarici İşlər Nazirliyi hadisəni İsveçin imzaladığı terror təşkilatlarının təbliğatının qarşısının alınmasına dair üçtərəfli memorandumun öhdəliklərinin pozulması adlandırıb. Diplomatik şöbə onu da qeyd edib ki, Stokholmda Quranın yandırılması Avropada islamofobiya, irqçilik və ayrı-seçkiliyin səviyyəsindən xəbər verir.

Türkiyənin milli müdafiə naziri Hulusi Akar da bildirib ki, Türkiyə hakimiyyəti İsveç və Finlandiyanın Ankara qarşısında öhdəliklərini yerinə yetirməsini və bu kimi hadisələrə “son qoymasını” gözləyir.

Bundan əvvəl Türkiyə prezidenti Rəcəb Tayyib Ərdoğan bildirib ki, İsveçdə Quranın yandırılması ilə bağlı insidentdən sonra İsveç NATO-ya üzvlük məsələsində Türkiyə hakimiyyətinin dəstəyinə ümid edə bilməz.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı