Sosial şəbəkələr məhkəmə qarşısında: uşaqlar məqsədli şəkildə asılı edilib?

ABŞ-da Instagram və YouTube-a qarşı məhkəmə prosesi başlayıb. Şirkətlər uşaqları sosial şəbəkələrə şüurlu şəkildə aludə etdikləri üçün ittiham olunur. İddiaçılar bildirir ki, platformalar uşaqların inkişaf edən beyninə uyğun “asılılıq yaradan mexanizmlər” quraraq milyardlar qazanıb.

QHT.az xəbər verir ki, Mərkəzdə 19 yaşlı bir qızın işi dayanır: o, sosial şəbəkələrin onda depressiya, bədən dismorfiyası və intihar düşüncələri yaratdığını deyir. İddialara görə, Meta və YouTube daxili sənədlərdə belə məqsədlərini etiraf edib və yeniyetmələri daha tez cəlb etmək üçün bildirişlər, “like” sistemi və sosial təsdiq mexanizmləri hazırlayıb.

Şirkətlər ittihamları rədd edir, məsuliyyətin platformalarda deyil, istifadəçi davranışlarında olduğunu bildirirlər. Məhkəmə 6–8 həftə davam edə bilər və qərar sosial şəbəkələrin platforma dizaynına görə məsuliyyət daşıyıb-daşımadığını müəyyən edəcək.