ABŞ və Kanadada qütb əsaslı soyuq hava və güclü külək gündəlik həyata mənfi təsir göstərir.
QHT.az xəbər verir ki, ən aşağı temperatur rekordu Nyu-Yorkdan təxminən 400 km şimalda yerləşən Nyu-Hempşir ştatında qeydə alınıb. 1900 metr hündürlükdə olan Vaşinqton dağında mənfi 43 dərəcəyə enən temperatur saatda 200 km sürətlə əsən güclü küləyə əlavə edilib və hiss olunan temperatur mənfi 77 olub. Bu, ölkədə indiyə qədər hiss edilən ən aşağı temperatur idi. Səlahiyyətlilər havanın “təhlükəli soyuq” olduğunu bildirib və vətəndaşlardan məcbur olmadıqca evlərini tərk etməməyi xahiş ediblər. Bostonda temperatur mənfi 23 olub ki, bu da 1886-cı ildən bəri ən aşağı göstəricidir. Nyu-Yorkda 1978-ci ilin qış rekordu yerlərdə mənfi 31 ilə qırıldı. Həddindən artıq soyuq və fırtınanın təsirli olduğu Massaçusetsdə ağacın aşması nəticəsində bir nəfər ölüb.
