Avstriya və İsveçrədə baş verən qar uçqunu nəticəsində 10 nəfərin həyatını itirdiyi bildirilib. Digər tərəfdən, Avstriyada güclü qar yağışı və küləkdən sonra 5 mərhələli uçqun həyəcanı səviyyəsi 4-ə qaldırılıb.
QHT.az xəbər verir ki, həftə sonu Avstriya və İsveçrədə çoxsaylı qar uçqunları baş verib. Avstriya polisindən verilən açıqlamada dünən 3 nəfərin, bu gün 5 nəfərin, ümumilikdə 8 nəfərin uçqunların düşməsi nəticəsində öldüyü bildirilib. Polis bildirib ki, dünən təyin olunmuş trasdan xizək sürən 17 yaşlı Yeni Zelandiya vətəndaşı, 50 yaşlı Almaniya vətəndaşı və 32 yaşlı Çin vətəndaşı qar uçqunu altında ölüb. Polis bu gün Avstriyanın Tirol bölgəsində traktoru ilə qarı təmizləməyə kömək edərkən qar uçqunu altında qalan 59 yaşlı şəxs də daxil olmaqla ümumilikdə 5 nəfərin öldüyünü açıqlayıb.
