İnsan orqanizmi həddindən artıq istilərə uyğunlaşa bilmir, çünki daxili soyutma mexanizmləri, xüsusən də tərləmə, yüksək temperatur və rütubət şəraitində təsirsiz qalır. Bu, günvurmaya səbəb ola bilər, nəticədə çoxlu orqan çatışmazlığı, əlillik və hətta ölümə gətirib çıxara bilər. Mütəxəssislərə görə, 100% rütubətdə 35°C ölümcül temperaturdur, çünki tərin buxarlanması dayanır və bədən soyumağı dayandırır.
QHT.az xəbər verir ki, istilik həmçinin psixi sağlamlıq problemlərini ağırlaşdırır. Araşdırmalar göstərir ki, yüksək temperatur qıcıqlanma və depressiyanı artırır, beyin zədələri və psixoloji pozğunluqlara səbəb ola bilər. Bipolyar pozğunluq və şizofreniya kimi xəstəliklərdə istilik relapsları tetikleyir və simptomları ağırlaşdırır. İsti hava psixi sağlamlığın pisləşməsi səbəbindən təcili yardıma müraciətlərin sayını artırır, intihar hallarını çoxaldır.
İsti hava həm də məhsuldarlıq və idrak qabiliyyətinə mənfi təsir göstərir. ABŞ-da aparılan tədqiqatlar göstərir ki, yüksək temperaturda məktəblilərin və tələbələrin imtahan nəticələri pisləşir, işçilərin səmərəliliyi azalır. İstidə bədənin enerji ehtiyatları beyin funksiyalarını dəstəkləmək əvəzinə, bədəni soyutmağa sərf olunur, bu da intellektual performansın zəifləməsinə səbəb olur.
Pərvanə Fərhadqızı
