Böyük Britaniya alimləri müəyyən ediblər ki, dil papillalarının yeri və ölçüsü hər bir insan üçün unikaldır. İnsan dili çox mürəkkəb bir orqandır. Onun səthi insanlara dad almağa, danışmağa və udmağa kömək edən papilla kimi tanınan yüzlərlə kiçik strukturdan ibarətdir. Göbələk formalı papillalar dad və temperatur reseptorlarını ehtiva edir, filiform papillalar isə yeməyin toxumasını hiss etməyə imkan verir.
QHT.az xəbər verir ki, alimlər süni intellektdən istifadə edərək insan dilinin iki mindən çox mikroskopik görüntüsünü təhlil ediblər. Məlum oldu ki, filiform və göbələk formalı papillaların yeri və ölçüsü hər bir insan üçün unikaldır. Çox güman ki, bu, insanlar tərəfindən yeməyin dad və tekstura qavrayışındakı fərqlərlə bağlıdır.
Alimlər ümid edirlər ki, onların kəşfi düzgün qidalanma üçün fərdi strategiyaların inkişafına töhfə verə bilər. Onlar insanlar üçün ən cəlbedici məhsulların seçilməsinə yönəldiləcək.
Pərvanə Fərhadqızı
