Vüqar Behbudov: Ötən 5 ildə 550 mindən çox imtiyazlı şəxsə müxtəlif sosial xidmətlər göstərilib
Əmək və Əhalinin sosial Müdafiəsi Nazirliyinin tabeliyində Sosial Xidmətlər Agentliyi (SXA) ötən 5 il ərzində 550 mindən çox imtiyazlı şəxsə müxtəlif sosial xidmətlər göstərib.
QHT.az AZƏRTAC -a istinadən xəbər verir ki, bunu agentliyin İdarə Heyətinin sədri Vüqar Behbudov SXA-nın 5 illiyinə həsr olunan mətbuat konfransında bildirib.
O qeyd edib ki, bugünə qədər 16 minədək imtiyazlı şəxsə mənzil verilib. Postmüharibə dövründə 567 müharibə əlili avtomobillərlə təmin edilib. Ümumilikdə isə ötən dövrdə 7 min 800 imtiyazlı şəxs avtomobillə təmin olunub.