Xəbərlər 25.05.2023 17:30 1928

Paşinyan Bakıya ciddi mesaj verdi ki, hazırdır - Arsenyan

Paşinyan işarə verdi ki, İrəvan Bakı ilə sülhə hazırdır. Rusiya, Ermənistan və Azərbaycan liderləri arasında gözlənilən görüşə nikbin baxıram, həll olunmamış məsələlərin ətraflı nəzərdən keçirilməsini gözləyirəm.

 

QHT.az  Axar.az -a istinadən xəbər verir ki, bunu Ermənistanın hakim “Mülki müqavilə” fraksiyasının üzvü Qurgen Arsenyan deyib.

 

“Ermənistan tərəfi nikbindir və konstruktiv dialoq və işə ümid edir. Paşinyan müəyyən şərtlər daxilində Azərbaycanın ərazi bütövlüyünü tanıyacağını bildirib. Necə ki, vaxtında MDB yaradanda ölkələr bir-birinin ərazi bütövlüyünü tanıyıb. Ermənistan hökuməti bununla da İrəvanın danışıqlara hazır olması siqnalını verir. İstəyirik ki, beynəlxalq tərəfdaşlarımız və qarşı tərəf, xüsusən də Azərbaycan bizim sözlərimizi ciddi qəbul etsin. Biz sülh müqaviləsi bağlamaq üçün səmimiyyətlə çalışırıq. Bu, danışıqlar prosesinin təməl daşıdır. Bir-birimizə qarşı bütün iddiaları aradan qaldırmaq üçün addım atırıq. Beləliklə, biz danışıqlar prosesinə təkan veririk. Ümid edirik ki, bizim addımımız həm Moskvada, həm də Bakıda layiqincə qiymətləndiriləcək. Biz Rusiyanın siyasi iradəsini və səylərini yüksək qiymətləndiririk”, - o bildirib.


Paylaş
QHT TV
Elanlar
Son xəbərlər
Qrantlar
Təbriklər
Başsağlığı