Avstraliyada 16 yaşdan kiçiklərin sosial mediaya çıxışı 10 dekabr 2025-ci ildən etibarən qadağan olunub.
QHT.az xəbər verir ki, qanunun qüvvəyə minməsindən bəri ən azı 4,7 milyon uşaq və yeniyetmə hesabı deaktiv edilib və ya silinib. Aparıcı platformalar, o cümlədən Facebook, Instagram, TikTok və YouTube, uşaqların hesablarına daxil olmasının qarşısını almaq üçün tədbirlər görür. Baş nazir Entoni Albanese bildirib ki, sosial media şirkətləri qanunlara riayət etmək üçün ciddi səylər göstərir. Lakin insan haqları təşkilatları hesab edir ki, qadağa gənclərin rifahına kifayət qədər təsir göstərmir və bəzi yeniyetmələr dəstək şəbəkələrindən məhrum olub.
Qanuna əməl etməyən platformalar 49,5 milyon Avstraliya dollarına qədər cərimələnə bilər.
