Makedoniya Türkiyə Ticarət Palatası (MATTO) "əsrin fəlakəti" olaraq xarakterizə edilən Kahramanmaraş mərkəzli zəlzələlərdən zərər çəkənlər üçün layihə başlatdı.
QHT.az xəbər verir ki, o, "Paylaşıldığında Ağrı azalar" adlı yardım kampaniyası çərçivəsində AFAD-a 28 yük maşını natura yardımı və 250 min avro nağd yardımın çatdırıldığını bildirib.
MATTO-dan verilən açıqlamaya görə, davam edən kampaniya çərçivəsində indiyədək yorğan, paltar, gigiyenik materiallar, uşaq qidaları, uşaq bezləri və sudan ibarət 28 yük maşını natura yardımı göndərilib.
MATTO və üzvləri tərəfindən toplanan təxminən 250 min avro (təxminən 5 milyon lirə) nağd yardım Skopye Halkbank vasitəsilə AFAD hesablarına köçürülüb.
Digər tərəfdən, Makedoniya Türk Qeyri-Hökumət Təşkilatları Birliyi (MATUSİTEB) Kahramanmaraşda zəlzələdən zərər çəkənlər üçün başlatdığı kampaniya çərçivəsində indiyədək təxminən 92 min Avro toplayıb.
MATUSİTEB sosial şəbəkədə Türkiyədə baş verən zəlzələlərdən sonra "Türkiyənin yanındayıq" adlı yardım kampaniyası ilə bağlı paylaşım edib.
Fevralın 17-nə olan məlumata görə, zəlzələdən zərərçəkənlər üçün 92 min 79 avro toplandığı bildirilən yazıda belə qeyd edilib:
"Hansı verən bütün vətəndaşlarımıza, qeyri-hökumət təşkilatlarımıza, biznesmenlərimizə, ayrı-ayrı şəxslərə və qurumlara təşəkkürümüzü bildiririk. Kampaniyamız fasiləsiz davam edir, ianələrinizi gözləyirik.
Yardım kampaniyası zəlzələdən sağ çıxanların yaralarını azacıq da olsa sağaltmaq məqsədilə həyata keçirilir. Biz vahid vətən Türkiyənin yanındayıq”.
