Nepalda fəaliyyət göstərən ictimai fəallar və ekspertlər ölkədə vətəndaş cəmiyyətinin son illərdə əvvəlki təsir gücünü itirdiyini bildirirlər. Onların fikrincə, maliyyə resurslarının azalması, təşkilatlar arasında koordinasiyanın zəifləməsi və ictimai etimadın aşağı düşməsi QHT sektorunun fəaliyyətinə mənfi təsir göstərir.
QHT.az xarici mediaya istinadən bildirir ki, mütəxəssislər qeyd edirlər ki, vətəndaş cəmiyyəti uzun illər insan hüquqlarının müdafiəsi, hökumətin fəaliyyətinə ictimai nəzarətin təmin olunması və demokratik islahatların təşviqində mühüm rol oynayıb. Lakin hazırkı şəraitdə bu institutların əvvəlki fəallığını qoruyub saxlaması çətinləşib.
Analitiklər hesab edirlər ki, müstəqil və güclü vətəndaş cəmiyyətinin mövcudluğu demokratik institutların dayanıqlığı, şəffaf idarəçilik və ictimai iştirakçılığın artırılması baxımından mühüm əhəmiyyət daşıyır.
