Almaniyanın Ulm Universiteti Xəstəxanasında edilən yazılı açıqlamada, saxlama müddəti ötmüş məhsulların Türkiyə və Suriyadakı zəlzələ bölgələrinə göndərilməsi üçün toplanması çağırışı reaksiya doğurub. Xəstəxana rəhbərliyi reaksiyalara görə bunun rəsmi açıqlama olmadığını bildirərək üzr istəyib.
QHT.az xəbər verir k, Baden-Vürtemberdəki Ulm Universitet Xəstəxanasından verilən yazılı açıqlamada, istifadə müddəti bitmiş və ya atılmalı olan materialların zəlzələ bölgələrinə göndərilə biləcəyi bildirilib.
"Müxtəlif səbəblərdən istifadə müddəti bitən və ya işlək olmayan hər şeyi toplaya bilərsiniz", - elanda bu ifadələrdən istifadə edilmiş və əlavə məlumat olaraq “İstifadə olunan və istifadə müddəti bitməmiş materiallar istisna olunur” yazılmışdır.
Bu açıqlama həm Türkiyə, həm də Almaniya vətəndaşlarının reaksiyasına səbəb olub. Twitter istifadəçiləri xəstəxanaya 'insanlığın haradadır?' soruşdu.
Sosial mediadakı reaksiyalar uçqun kimi böyüdükdən sonra Xəstəxana yazılı açıqlama vermək məcburiyyətində qalıb.
Edilən açıqlamada sözügedən yardım kampaniyasının xəstəxana tərəfindən təşkil olunmadığı vurğulanıb və “Elan universitetimizin xəstəxanasının rəsmi məktubu deyil. Sözügedən mətn daxili yazışmada elektron poçtdan götürülüb. Anlaşılmazlığa görə çox üzr istəyirik” yazılıb.
